श्री त्रिभुवन जनता माध्यमिक विद्यालय वनगाड कुपिन्डे नगरपालिका

आदरणीय अभिभावक, विद्यार्थी तथा शुभचिन्तकहरू,

गुणस्तरीय शिक्षा आजको आवश्यकता भन्ने नाराका साथ यहाँहरूलाई हृदयदेखि स्वागत गर्न पाउँदा अत्यान्तै खुसी छु ।
श्री त्रिभुवन जनता माध्यमिक विद्यालय शङ्खपीपल, च्युरा, सल्यान औपचारिक रूपमा वि.सं.२०३२ सालमा स्थापना भई ४८ वर्ष पार गरिसकेको छ । यो सल्यान जिल्लाको पश्चिम क्षेत्रको एक उत्कृष्ट विद्यालय हो । गुणस्तयरी पठन पाठन, अनुभवि शिक्षक, शान्त वातावरण र अन्य सुविधाहरूको कारण नै यसको सफलता हो । नेपाली समाज र विश्व समाजमा सजिलै स्वीकार्य र ग्रहणयोग्य बनाउन विद्यालय व्यवस्थापन समिति, शिक्षक, कर्मचारी तन, मन लगाएर अगाडि बढिरहनु भएको छ । यस संस्थालाई अझ उत्कृष्ट बनाउन शिक्षाविद्, शिक्षक, पूर्व प्रधानाध्यापक, पूर्व विद्यालय व्यपस्थापन समिति पदाधिकारी, जग्गा दाता, चन्दा दाता, अभिभावक, राजनीतिकर्मी, व्यापारी, कर्मचारी, पत्रकार, नागरिकसमाज, समाजसेवीको सकारात्मक सुझावको अपेक्षा गर्दछु ।
यस विद्यालयमा आएर शिक्षा आर्जन गर्न र सुनिश्चित सुनौलो भविष्यको निर्माण गर्न सम्पूर्ण बालबालिकालाई म हार्दिक अपिल गर्दछु ।

डिल्लीबहादुर बि.के.
अध्यक्ष
विद्यालय व्यवस्थापन समिति

प्रिय विद्यार्थी, अभिभावक तथा शुभ चिन्तक,

श्री त्रिभुवन जनता माध्यमिक विद्यालय शङ्खपीपल, च्युरा, सल्यान परिवारको तर्फबाट हामी तपाईँको भविष्य निर्माणका लागि हामीसँग सामेल हुनुभएको मा हार्दिक स्वागत गर्दछु । श्री त्रिभुवन जनता माध्यमिक विद्यालय शङ्खपीपल, च्युरा, सल्यानलाई एक प्रतिष्ठित शैक्षिक संस्थाको रूपमा परिचय गराउन पाउँदा हामी गौरवान्वित महसुस गर्दछौँ । बालबालिकालाई शिक्षित, असल, सक्षम, सिर्जनशील, देशप्रेमी, चरित्रवान्, व्यावहारिक बनाउने उद्देश्य लिएर यस विद्यालयको औपचारिक स्थापना २०३२ सालमा भएको हो । यसले साधारण र प्राविधिक धार तर्फ बालिविज्ञान सञ्चालन गर्दै आएको छ ।
विद्यालयमा व्यवस्थित पुस्तकालय, विज्ञान प्रयोगशाला, कम्प्युटरल्याव, कृषिल्याव, स्मार्टबोर्ड, प्रोजेक्टर र शान्त वातावरणमा सिक्ने वातावरण प्रदान गर्दैआएको छ । हामीले समय सापेक्ष गुणस्तरीय र जीवनोपयोगी शिक्षा प्रदान गर्दैआएका छौँ । विद्यार्थीलाई समय सुहाउँदो शिक्षा दिन, विद्यार्थीको शारीरिक, मानसिक, बौद्धिक, संवेगात्मक विकास गर्न, उनीहरूको ज्ञान र सीपलाई फराकिलो बनाउन, समस्यासँग जुध्न सक्ने बनाउन, सकारात्मक र समालोचनात्मक सोचको विकास गर्न, सामाजिक परिवेश बुझेर सोअनुसार आचरण गर्न, राष्ट्रप्रेमको भावना विकास गर्न, डिजिटल साक्षरता बनाउन, अन्तरवैयक्तिक सिपको विकास गर्न, स्वस्थ जीवन शैली अपनाउन, नेतृत्व गर्ने सिपको विकास गर्न शिक्षक, शिक्षिका, कर्मचारी आ-आफ्नो तर्फबाट लागिपर्नुभएको छ ।
श्री त्रिभुवन जनता माध्यमिक विद्यालय शङ्खपीपल, च्युरा, सल्यान ज्ञान रूपी उज्यालो खोजिरहेका बालबालिकालाई स्वागत गर्न हरदम तत्पर छ साथै ज्ञान मार्गीको जीवनमा सधैँ सफलता मिलोस भनी शुभकामना व्यक्त गर्दछौँ ।

श्री त्रिभुवन जनता मा.वि. शङ्खपीपल
च्युरा, सल्यान परिवार

श्री त्रिभुवन जनता माध्यमिक विद्यालय,
शंखपिपल, च्युरा, सल्यान

info@stjss.edu.np

९८५८०६९९५५

अध्यक्षको सन्देश

आदरणीय अभिभावक, विद्यार्थी तथा शुभचिन्तकहरू,

विद्यालयबाट सन्देश:

प्रिय विद्यार्थी, अभिभावक तथा शुभ चिन्तक,

श्री त्रिभुवन जनता माध्यमिक विद्यालय, शंखपिपल, च्युरा, सल्यान

info@stjss.edu.np

९८५८०६९९५५

अध्यक्षको सन्देश

आदरणीय अभिभावक, विद्यार्थी तथा शुभचिन्तकहरू,

विद्यालयबाट सन्देश:

प्रिय विद्यार्थी, अभिभावक तथा शुभ चिन्तक,

श्री त्रिभुवन जनता माध्यमिक विद्यालय,
शंखपिपल, च्युरा, सल्यान